Script Informatisé pour Faire le Tamisage
S I F T - La Passion de Mons

Control R refreshes the corpus back to its orginal display
This will erase all your changes. Your changes are not stored.

mot cles       Φ    

CORPUS TEXT (PRE in HTML)  Size in mm Colour    Φ 

SEARCH STRING (HIGHLIGHT)  Find what       Φ    

cm

Première demi-journée I.1.Le Ciel doit aparoir quant Dieu ara dit : »Et que riens ne se monstre hors ». Aussi quant il dira : » Scituons pour prendre retrait », le feudoit aparoir, aussi l’air, leaue et la terre. I.2.Quant ara dit : »Séraphin, Chérubin et Trosnes », lors s’aperent Chérubin, Cheraphin et Trosnes ; « Aussi Principaultés et Potestés », lors apperent les Dominations, Principaultés et Potestés ; « De nostre service obtenir », aperent tous autres angles. I.3.[En enffer en forme de Deable] I.4.Quant Dieu dira : « Nommons jour et tenebres nuit », lors s’apert la lumière. Apres, le ciel nommét le firmament,divisant, les eaues pour la mer.Enssivant la terre appert, plaine nommée ; aussi herbes, arbres, pommiers et sepmences ; ou firmament, le soleil et la lune et des estoilles. Eaues produisent poissons et autres reptiles ; oiseaux, les ungs en mer, autres en terre. La terre produise bestiaux, oeilles, vacques, chevaulx, jumens, et autres reptiles pluiseurs. Quant Dieu ara dit : « Se deschenderons en la terre », il descend et s’en vient au campde Damascene. S’il est trop loing,silete,. Quant il a dit : « Sera et d’une ame informe », il thire Adam hors ; et, apres IIII lignesenssivant, Dieu fait semblant de aspirer sus Adam, puis le prent par la main et le lieve tout droit en disant : « Homme, or es formé pour le mieulx ». I.5.Lors Adam se lieve tout droit. I.6.Lors le maine en Paradis terrestre. I.7.Il luy deffend de mengier du fruict pour scavoir bien et mal. I.8.Lors se couche Adam. I.9.Lors il crée Eve, et la lieve toutte droite. I.10.Il déffend encores le fruict de bien et mal congnoistre. I.11.Lors Dieu lesse Adam et Eve en Paradis terrestre et s’en va à part, desoubz Paradis. I.12.Quant il a dit « Sailliez tous en piedz, levez sus », lors tous les deables saillent hors d’Enfer en faisant horible noise et tempeste. I.13.Lors s’en va Lucifer en Paradis terrestre en fourme de serpent. Et es à noter que le personnage de Lucifer ne se bouge d’Enfer, jasoit qu’il ait dit cy dessus ; mais est ung aultre personnage qui fait le serpent et doit aller à Eve ; pour ce que Lucifer ne seroit point assez à temps mis en forme de serpent. I.14.Quant a dit : « Quoy qu’il soit j’aray ceste-chy », lors elle coeulle une pome. Et quant a dit : « Que ung morsel en doit valoir cent » lors elle mor dedens. I.15.Il mors ens. I.16.Lors Ilz prendent chascun une foeille au fighier. I.17.Quant il a dit : « Tous les jours en mengant la terre », lors le serpent chiet sour sa poitrine, et enfin Dieu s’absente d’eulx et s’en va soubz Paradis comme dessus. I.18.Nota de , en ce pas, advertir Dieu,qui est desoubz la salle de Paradis, de faire apporter apres luy par deux angles, quand il retournera en Paradis terrestre, deux plichons que on ara preparé pour les donner à Adam et Eve. I.19.Lors le serpent se part du Paradis terrestre et s’en va en Enfer tout trainant sur sa poitrine. Nota, et se dispose Dieu de venir en Paradis terrestre. I.20.Il luy donne le nom de Eve. I.21Nota. Lors Dieu entre en Parasis terrestre et dit ce qu’il s’enssieult. I.22.Il donne les deux plichons. I.23.Lors Dieu et ses angles s’en revont desoubz Paradis, et Cherubin demeure à l’entrée de Paradis terrestre. I.24.Lors Adam fait semblant de fouyr une espace, et Eve se boute dedens le maisonnette ; et, tantost apres, Adam s’i boutte ossi. I.25.Nota. Soient cy advertis Adam, Eve, Cayn et Abel de yssir hors de leur maisonnette et eulx monstrer au Parcq. I.26.Lors le baille à Sathan. I.27.Lors soit fait grant tempeste en Enfer. I.28.Nota que en cest endroit soit préparé le carbon et alumét devant le residence d’Adam, adfin qu’il soit tout ardant quant cy-apres Abel fera son sacrefice. I.29.Kayn doit avoir pluiseurs garbes pour eslire une. I.30.Lors Abel prend son agniel et le tue tandis que Kayn parlera. I.31.Lors boute le feu ; et doibt le fumée tout droit monter. I.32.Lors il boute le feu ; et doit le fumée aller de travers. I.33.Lors Kayn s’en va par le Parc, tout merancolyé, et faisant de grandes admirations en baissant la face vers la terre ; et Dieu doit sortir de desoubz Paradis pour s’en venir parler à luy. I.34.Lors Dieu et ses angles s’en reviennent desoubz Paradis. I.35.Lors il ambulent ung petit ensamble et puis Kayn dit :… (silete petit) I.36.Lors Kayn tue Abel et puis Kayn dit : I.37.Lors Kayn s’en va par le Parcq ; et est à noter que Kayn doit thuer Abel directement sur le secret où sera l’enfant representant le sang d’Abel qui crie vengance. I.38. Nota.Icy doit Dieu sortir hors de Paradis pour venir a Cayn. I.39.Quant Kayn a dit les II premieres lignes, lors Dieu et ses angles s’en revont en Paradis et plus ne deschend Dieu. I.40.Et quant Cayn a conclut, il s’en va muchier en quelque lieu et ne se fait plus voir jusques atant que on luy fera signe. I.41.Lors ilz vont et troevent Abel mort ; puis Eve dit : I.42.Nota.Soit cy adverty Kayn de saillir hors de son treu et ambuler par le Parcq. I.43.Ilz enterrent Abel et puis ilz entretent en leur maisonnette.Silete. I.44.Lors Adam moeurt. I.45.Nota de avoir des enfants et personnaiges sans parler. I.46.Lors elle enterre Adam, et puis elle se boutte dedens sa maisonnette sans plus le voir. I.47.Quant il a dit : « A son juge et dominateur » il se meth à genoulx. I.48.Qaunt il a dit « Tout droit pour le reconforter », il vient vers Humain Lignaige et dit : I.49.Lors il s’en va querir Orgoeul. I.50.Lors Sathan va vers le Monde et luy dit : « Hau !le monde, etc » I.51.Cy s’en vont par le Parcq, le deable devant, le Monde apres, et les autrez enssievant, tandis Orgoeul parle. I.52.Quant a dit : « Vechy qui te fera avoir », la Char luy monstre Convoitize. I.53.Lors s’en vont à l’hostel du Monde et va Orgoeul le premier, et doit estre Humain Lignage revestu d’un bel habit et se doivent soir a table. I.54.Ilz chantent et puis Astarot dit : I.55.Quant il a dit les II premieres lignes, il se lieve et s’en va vers Humain Lignage, en disant ce qui s’enssieult apres. Quant a dit « Et le tenroit à son amy », il va vers Humain Lignage, qui est avoecq les VII pechiez mortelz, et dit de sourplus de ceste clause : I.56.En allant I.57.Lors il va querir du harnas et l’aporte à son pere Noel I.58.Ale IIe ligne, ilz disposent le largeur et le longheur et , tandis, poze de menestreux ; et puis il dit : I.59.Lors ilz disposent le residu et, tandis, poze d’oghes, puis Sem dit : I.60.Lors ilz le joindent, et poze de canchons. I.61.Lors ilz le methent et, tandis, poze d’orghes. I.62.Quant il a dit : « Qu’il me deplait tres grandement », il va vers Humain Lignage. I.63.Quant il ara dit : « Vray Dieu », à genoulx. I.64.Quant il a dit : « De toy servir toute saison », il se lieve d’estre à genoulx et, ale, penultisme ligne, s’en vaen sa maison. Sillete, s’il est trop loing. I.65.Lors viennent trestous avoecq leurs femmes devers Noel, et puis Sem dit : I.66.Sillete. I.67.Lors chascun d’eulx s’en va aux plaches diverses où les besongnes sont préparées ; puis chacun aporte à Noel sa prinse, et dit Cham : I.68.Poze d’orghes. Puis ilz mettent les bestes et oiseaux dedens l’arche par petites esquillettes toutes propices. I.69.Lors ilz metent tout. I.70.Lors ilz mettent des sacqs plains de vivres dedens l’arche, et tandis, poze d’orghes, et doit estre la fenestre de l’arche vers Paradis. I.71.Lors ilz s’en vont par le Parcq tous ensemble en la place où le deluge est preparét et font une danse ou deux ; tandis, Cam, le fils Noel, parle : I.72Lors le femme Noel entre la premiere dedens l’arche, puis tous les autres enssyvant, est assavoir : les hommes premiers et puis leurs femmes, et Noel tout le derrain ; et s’en doivent aller par les secrez de terre ceulx qui ne doivent plus parler pour ce jour. I.73.Cechy se doit dire au prayel où le déluge se fera, parez de viollettes. I.74.Lors ils dansent, et, tandis, Noel parle : I.75.Lors Noel ferme le fenestre par dedens l’arche. I.76.Se doit faire signe au secret. I.77.Lors soit faict le signe aux députéz aux secrez du déluge de laissier venir les eaues. I.78.L’eaue doibt venir. I.79.Lors se boutent en ung creux. I.80.Lors chascun se boute par les creux et s’en vont en quelque lieu sans plus les voir. I.81.Lors se fait ung Kanon et fort grant tempeste. I.82.Lors cessent les eaues. I.83.Quant il a dit : « Le corbel sçavoir que poelt estre », lors oevre le fenestre, et, en fin de ceste clause, jette le corbel, qui s’envole sans revenir. I.84.Petite poze. I.85.Lors il envoye le coullon lyé par le pied. I.86.Il le thire. I.87.Sillette I.88.Nota .Soit cy adverti en Paradis celuy qui est deputéz à faire venir le coullon atoute une branche verde en son becq. I.89.Lors doit Noel envoyer le coulon vif, lequel s’envole, et en revient ung futif qui raportera le « rainseau » d’olivier et s’en doit venir sur l’arche. I.90.Quand il a dit ; « Retourne, coulon debonnaire » cy doit le coulon venir de Paradis à Noel, lequel coulon doit estre pris par Noel et mis en son arche. I.91.Petite poze I.92 Lors il le leisse envoler le coullon blancq vif, qui ne revient plus. I.93.Lors ils lievent le couverture de l’arche. I.94.Lors Noel sault hors de l’arche et se meth à genoulx et fait son oroison comme il s’ensieult ; puis quant il a fait son oroison ,on chante en Paradis ung silet, ou on jue des menesteux ou de quelque instrument, ou pose d’orgues. I.95.Quand il a dit : « As esté en ce pas mortel », il se lieve et adreche sa parolle à ses enffans qui sont en l’arche et dit. I.96.Soit cy preparé l’aignel dont Noel doit faire sacrifice. I.97.Lors, en fin de clause, Noel fait signe de ediffier ung autel, lequel doit estre peparé devant et muchié ; et, tandis, ilz yssent hors de l’arche et silete. I.98.Lors ilz vuident tous les bestaux de l’arche, comme il est dit, mais o prime le font ilz icy. I.99.Poze. I.100.Tandis, Noel fait sacrifice à Dieu d’un agniel et d’oiseaux, qu’il brusle en disant : I.101.Advertir Cam, Japhet et Sem de eulx diviser en III parties, ung petit loing de l’un l’autre, quant ilz dient quelz parties ilz prenront. I.102.A genoulx. I.103.Il va devers luy. I.104.Quant il a dit : « Qui sans droit les avoit porté », lors il presente le disme à Melchisedech. I.105.Quant il a dit les III premiers lignes, il se meth à genoulx, puis dit : I.106.Lors Abraham se lieve de son orison et vient à son hostel. I.107.Nota.Soit cy adverty Raphael de descendre de Paradis, sans que Dieu luy envoye, et s’en viengne authour d’Abraham. I.108.Lors s’en vont ambulant par le Parcq tant que on leur fera signe de aprochier le lieu. I.109.Lors font semblant de dreschier ledict autel qui sera preparé en terre. I.110.Nota. Soit adverty Raphael de descendre de Paradis et aller à Abraham. I.111.Lors Abraham lieve son brach pour inmoler Ysaacq. I.112.Nota. Abraham fait sacrifice du mouton, et, silete. I.113.Icy retourne en Paradis. I.114.Lors ilz retournent. I.115.Nota de hoster led. Autel de dessus la montaigne, tandis que on disnera. I.116.Apres le II premieres lignes, il se lieve, de son siege et se tourne vers Paradis en disant : I.117.Et quant a dit : « De Humain Lignage avoir pité », il ambule par le Parcq en disant : I.118.Lors David se retourne en son lieu. I.119.(Nota). Soit cy adverty Yasye soy preparer pour parler. I.120.Lors il vient par le Parcq vers Humain Lignaige. I.121.Lors Ysaye retourne en son siege. [fin de ceste Journée] Journée 1, après midi. I.122.Soit adverti Joachim s’en venir au milieu du Parc pour garder les moutons. I.123.Est a noter que Cherubin ne doit plus garder Paradis terrestre, mais doit estre en Paradis celestiel. I.124.Nota que Humain Lignaige doit dire ce couplet assez pres de Paradis ; et se, d’aventure, il estoit moing quant il le commenchera, il doit, tousjours en parlant aprochier. I.125.Il se meth à genoulx lors qu’il dira : « O haulte et divine essence » (providence) etc. I.126.(Lors Gabriel s’en va) devers Humain lignaige (et tandis) Humain Lignaige parle et se il a (fait devant que ) Gabriel soit a lui arivé (soit faite) pose d’orghes. I.127.Gabriel retourne en Paradis apres [qu’il ara] ceste clause finée. I.128.Misericorde se doit engenouiller davant Dieu lorqu’elle dira : « Devant vous viens, prince de paix » ; puis, elle doit regarder le poeuple piteusement, une espasse, en parconcluant sa clause, et puis se leve. I.129.Lors soit fait en Paradis grande joye et melodie. I.130.Lors ilz vont vers Sapience. Pose d’orgues. I.131.Lors vont devant Dieu le Père. I.132.Lors il s’en va faire sa leghation à Joachim et Anne. I.133.Lors soit faicte en Paradis grande exultation. I.134.Lors Gabriel s’en va devers Anne en Jherusalem. I.135.Lors Gabriel s’en va en Paradis et Anne s’en va vers Joachim et dit en allant : I.136.Elle doit rencontrer Joachim ale Porte Dorée et lui dit ledit Joachim : I.137.Lors ilz retournent en leurs lieux. I.138.Lors se fait en Paradis grand melodie. I.139.Cy soient advertis ceulx qui sont ordonnéz à presenter Marie nouvelle née à Anne ; laquelle Anne doit estre supz ung lit paré, comme se elle estoit nouvellement acouchie. I.140.Soit advertie Annne de tenir Marie nouvelle née. I.141.Lors Zacharie se tait et demeure en son hostel. I.142.Ici soit Marie nouvellement née ostée de la maison de Joachim et Anne ; et ci se doit monstrer avec eulx Marie aue on presente au temple. I.143.Lors sera fait en Paradis grande melodie, et se doit muchier Marie nouvellement née et aparoir celle de VII ans. I.144.Lors ilz viennent au Temple presenter Marie et, tandis, silete. I.145.Lors, ilz retournent en leurs lieux et tous les prebstres demeurent en leurs places. I.146.Lors il trompe. I.147.L’on doit advertir Abiut en Jherusalemde parler apres Lucifer, lors qu’il oras sa replicque : « Comme feu de fournaise ». I.148.Soit icy advertie Marie à XIIII ans de se trouverdessoubz le Temple et absconsser celle à VII ans. I.149.Lors Sathan s’en vaet fait grand noise à son depart. I.150.Jherusalem. I.151.Soit icy adverti Dieu en Paradis de parler apres que Salem ara dit : « Allons y tost sans contredit ». I.152.Lors ilz s’en vont au Temple, auquel il doit avoir preparé ung encenssoir, du feu et de l’encens ; et se doivent tenir hors de l’huis du Temple. I.153.Paradis. I.154.Faire aller Ghabriel devers Zacharie ; lequel Zacharie debvera lors commenchier sa clause et, apres qu’il ara dit : « Prestement me fault sans faintise », il s’en doitaller au Temple et doit dire à Abiut et autres : I.155.Jherusalem. I.156.Zacharie doit entrer ou temple, et les autres demorer hors. I.157.Ilz s’agenouillent devant le Temple.Ghabrile doit estre scemons de parler apres Zacharie. I.158.Il se meth à genoulx et boutte l’encens dedens le feu tost apres qu’il ara dit : « Vechy etc. », et puis enchense l’autel. I.159.Lors Gabriel s’en va au Paradis. I.160.Zacharie doit estre icy adverti de retourner vers l’huis du Temple. I.161.Ramentevoir à Zacharie de faire signe en hochant la teste, comme s’il fuist muet acertes. I.162.Il doit faire signe comme dessus. I.163.Lors Zacharie retourne en son lieu. I.164.Lors doit encore faire ses signes comme dessus. I.165.Soit adverti Joseph d’aprochier le Temple et sievir les autres de loing, est assavoir Eliachim, Salem etc. I.166.Lors ilz s’en vont tous au Temple avec Ysacar ; et soit adverti Joseph qu’il y soit. I.167.Soit advertie Elizabeth de faire aparoir son gros ventre, soy demonstrant enchainte. I.168.Ici soit absconsée Marie à VII ans, et appert Marie à XIIII ans avec se mere Sainte Anne. I.169.Ici soit adverti Raphael de descendre de Paradis, sans que Dieu l’envoye, pour se bouter avec Naboth et Manassès quand ilz parleront. I.170.Ici ramentevoir de les faire mettre tous a genoulx. I.171.Advertir Raphael qu’il ne s’en revoyes point encores. I.172.Ossi advertir Abiud, Eliachin, Joram, Salem, et aucuns autres, se bon semble, de aller à l’offrande, sans parler, ayant leur verghe en main, comme l’instruit leur a esté ; semblablement prendre garde que Joseph, devant ceste offertoire, die assez ariere ce qui s’enssieult et la verghe ne florira point lors. I.173.Silete. I.174.Lors se doivent mettre à genoulx. I.175.Alors Raphael s’en doit raler en Paradis. I.176.Et Naboth va querir Joseph et dit : I.177.Lors Joseph prend sa vergue et le va offrir, puis elle florit, et Ysacar dit : I.178.Lors Ysacar, a tous ses prebstres, Abiud et les autres, retournent en leurs lieux ordonnez, c’est assavoir les parents de Joseph en Nazareth, et Joseph et chacun en son lieu. I.179.Ilz dient ceci en allant par le Parcq. I.180.Lors ilz s’en vont à leur logis preparer, et , s’il y a trop loing, pose d’orghues en Nazareth. I.181.Joseph se doit departir de Marie pour allerà Bethleem. I.182.Marie doit aller au lieu de l’anunchiation et ilec priier, le viaire vers Paradis. I.183.Il deschend. I.184.En Paradis se fait grand joye et y doit l’on chanter. I.185.Apres la canchon finée, doit dire [Gabriel] : I.186.Pose d’orghes tandis que descend le Saint Esprit. I.187.Et lors s’en va Gabriel en Paradis. Et doit Marie se partir de son lieu et ossi fait Elizabeth du sien pour elles rencontrer ale montaigne. I.188.Soit icy adverti Joseph soy partir de Bethleem et s’en venir tout bellement devers le logis d’Elizabeth, et non entrer ens, mais arester assez pres, tant que aront dit Elizabeth et Maria les deux petites clauses qui s’enssievent. I.189.Doit aller ou logis. I.190.Lors s’en va en son lieu. I.191.Ici soit faicte pose d’orgues, car Elizabeth doit acouchier. Et doit on avoir ung petit enffant que Nostre Bame tenra ; et dira ce qui s’enssieult : I.192.Ci soient advertis les parens de Zacharie, premier, IIème et IIIème, de venir voir Elizabeth, sans dire mot. I.193.Lors elle doit apointer l’enffant. I.194.Lors ilz vont. I.195.Zacharie doit icy faire signe de demander une greffe et des tables pour escripre. I.196.Lors Zacharie prent les tables et escript dedens le nom Jan ; puis il rebaille les tablettes a premier parent. I.197.Lors on le porte circuncir et le doit on raporter apres la circuncision en son lieu, tandis Zacharie : I.198.Ici soit advertie Marie de faire eslever son ventre pour demonstrer qu’elle soit enchainte. I.199.Silete. I.200.Ramentevoir Marie de s’en aller vers Joseph ayant son ventre gros, comme dit est. I.201.Maria doit aprochier Joseph, puis dit : I.202.Non leissier oubliier Joseph à faire ses admirations en regardant Marie enchainte. I.203.Joseph s’en va ariere. I.204.En la fin de ceste clause se doit couchier. I.205.Amentevoir icy que soit faicte pose d’orghes tant que Gabriel sera vers Joseph. I.206.Il s’en doit doit raller en Paradis. I.207.Nient laissier oubliier Joseph de retourner à Marie en la fin de sa clause, ains qu’il scet que icelle l’adevise. I.208.Ilz se doivent asseoir en leur lieu en Nazareth. I.209.Avoir regard que l’asne sur quoy Marie yra en Bethleem soit prest, quant tempz sera, et ossi le bœuf. I.210.Et doit avoir Eliachim une femme lez lui, qui se femme representera sans mot dire. I.211.Lors ilz methent Marie sus l’asne et partent de Nazareth et s’en vont en Bethleem. I.212.Lors ilz s’en vont et Joseph maine l’asne par le bride et Eliachim maine le bœuf. I.213.Pose d’orgues. I.214.Doit estre adverti Eliachim de aller de logis en logis, sans parler, adviser apres quelque place pour eulx logier ; et s’en doit despenchier pour venir dire sa clause comenchant : « J’ay en pluisseurs logis » etc. I.215.Doibt monstrer l’apentis. I.216.Lors Joseph et Eliachim aydent Marie à descendre et est toutte droite, tant que les pastoureaux parleront ; et puis se metera à genoulx, quand Joseph sera ariere. I.217.Ilz liient l’asne et le buef. I.218.Lors Joseph fait semblant de leur donner à mengier, et puis s’en va ariere de Nostre Dame ; et ne revient point devers elle tant que on lui fera signe, et n’est point ale Nativité. I.219.Avoir regard ad ce que exultation se fache en Paradis, apres que Dieu ara prononchiét sa clause prochaine. I.220.Nota I.221.Paradis. I.222.Lors soit faite en Paradis grande joye ; et poeult on chanter en chose faicte, ce qui s’enssieult. I.223.Lors il descend avec pluiseurs autres angles et vont au lieu dele Nativité et les Pastoureaux parleront tandis. I.224.Nota. I.225.Lors doit Marie acouchier, et, tandis, Humain Lignaige dit ce qui s’enssieult : I.226.Soient icy faictes grandes lumieres et clarté à la Nativité. I.227.ici doit apparoir ledit petit Jhesus, nétz ; et Marie devant, à genoulx. I.228.Soit adverti Joseph de retourner devers Maria. I.229.Lors doit estre fait grande mélodie, au lieu de la Nativité, et grande lumiere. I.230.Joseph doit, à la IIIème ligne de sa clause, aprochier et, en soy esbahissant, dire : « O glorieuse Trinité etc ». Et, en la fin d’icelle clause, où il dit : « Mon hault createur, mon seul juge », il doit lors estre à genoulx devant l’enffant. I.231.Lors Gabriel s’en va devers les pastoureaux atout lumiere. I.232.Lors ilz marchent et , en allant, Aloris dit : I.233.En disant cechy, ilz doivent entrer en Bethleem. I.234.Il presente son calendrier de bois. I.235.Soient ci advertis ceulx qui sont ou secret de l’estoille aux troix Roix de commenchier de le faire monstrer. I.236.Lors ilz cantent et dansent. I.237.Faire signe à Melcior qu’il entende à parler apres Jaspart. I.238.Lors ilz s’en vont. I.239. Ilz s’en vont. I.240. Ilz s’en vont. I.241.Peu à peu. I.242.Ilz vont enssemble. I.243.Avoir regard que l’estoille soit absconsée quand les III Rois seront pres de Jherusalem et lors que Joseph parlera ainsi : I.244.Signiffyer Esdras et Micheas de aller au logis de Joseph quand il sera absenté et qu’il ara dit : « Querir les yray ( ou pays) I.245.Lors Joseph se absente et doivent venir en son logis sans dire mot Esdras et Micheas et Marie. I.246.Soient cy advertis Gamaliel, Zorobabel et les autres de rencontrer les troix Roix en Jherusalem. I.247.Ilz se asseent. I.248.Entendre que ceux du secret de l’estoille fachent icelle estoille aparoir, quand Melcior prenra congiét d’Hérode. I.249.L’estoille se monstre. I.250.Lors ilz s’en vont et, quant ilz sont hors de Jherusalem, Balthazar dit : I.251.Ilz entretent en Bethleem. I.252.Lors ilz se mettent tous à genoulx. I.253.Il donne le coulpe. I.254.Ilz retournent. I.255.Ilz entretent. I.256.Lors il va querir à mengier et à boire. I.257Lors puellent boire et mengier, et puis se doivent reposer sur ung lit. I.258.Lors s’en va. I.259.Lors s’en reva en Paradis. I.260.En parlant à l’Hoste. Ilz s’en vont. Matinée du deuxième jour II.1. Soient ordonnés, au commenchement du ju, Joseph, Maria, Eliachim, Esdras et Acquiline, parens de Joseph, d’estre au Temple pour presenter Jhesus ; et Jeconias, prebstre, les rechoit. II.2.Lors ilz se mettent tous à genoulz et, tandis, Simeon parle. II.3.Lors il se lieve et il s’en va au Temple. II.4.Lors elle l’offre sur l’autel et sont leurs offrandes de deux tourteroellez et deux coulons. II.5.Lors Simeon prent Jhesus et l’embrache. II.6.Soient cy advertis Zorobabel et Gamaliel qu’ilz s’en voisent tout bellement à l’hostel Herode. II.7.Lors s’en vont à diligence en Nazareth et Simon en son lieu, Jeconias avec Cayphe, Jeroboam et les aultrez. II.8.Lors il y va et descent de Paradis et Jecquonias jusque à tant que on luy fait signe. II.9.Soit cy adverti Gabriel de aprochier Joseph en Nazareth. II.10.Cy Zorobabel et Gamaliel s’en revont en leur place. II.11.Advertir Sathan d’estre hors d’Enfer pour parler, quant on luy dira. II.12.Lors il s’en va et se met en quelque lieu jusquez à tant qu’il sera adverti de retourner. II.13.Lors ilz s’en vont atout leur asne. II.14.Ilz vuident d’Enffer. II.15.Soit fait apprester en Enffer quelque tempeste, pour le faire quant on le dira. II.16.Advertir Joseph de parler apres que le tempeste sera fait. II.17.Lors soit Satan tres bien battu et fait grand tempeste en Enfer. II.18.Soit cy adverti de faire trebuchier les ydoles du temple quant on le dira. II.19.Lors doivent passer Joseph en Egipte et Marie tenant Jhesus en ses bras par devant ung temple et, incontinent que elle passe, les ydollez doivent trebuchiez par terre. II.20.Nota.Lors ilz s’en vont. Pose d’orgues ou aultre, tant qu’il venront là. II.21.Lors ilz s’en vont en leur lieux. II.22.Lors ilz s’en vont, mais Adrascus demeure avoeq Herode, et Arfaxat et Hermogenes s’en vont avec eulx. II.23.Memore de avertir les nourices de se trouver en point. II.24.Il y va nettier II.25.Lors elle prend le cariot et met l’enffant futif dedens. II.26.Lors elle va au roy Herode. II.27.Lors elle s’en va. II.28.Soit cy adverti Sathan et Astarot d’estre authour de Herode. II.29.Elle luy baille une pome et ung coutiau. II.30.Nota de advertir en Enffer de appointer ses choses pour festoyer l’ame d’Herode, quand on le dira. II.31.Lors il se frappe d’un couttiel ou ventre. II.32.Lors les diables prendent l’ame de Herode et l’emportent en Enffer et non le corps. II.33.Soit lors faitte une terible noise en Enffer pour Herode. II.34.Lors yl va. II.35.Lors Joseph ramene Nostre Dame et l’enffant sus son asne, comme il luy avoit mené, et le ramaine en Nazaret. II.36.Soient adverti Zebedée, Marie Zebedeï, sa femme, Maria, Salomé et Maria Jacobi, Esdras, Eliachim, tous parens de Joseph et Marie, d’aprochier pres de l’hostel Joseph en Nazareth. II.37.Lors on doit absconser Herode en quelque lieu. II.38.Lors Joseph baise Jhesus et puis il s’en va avec les hommes, et les femmes avec Marie atout Jhesus. II.39.Ilz marchent. II.40.Lors s’en vont au Temple asoir sur un banc preparé. II.41.Lors ellez se mettent à genoulz et font leurs offrandes devotement. II.42.Silete. II.43.Lors ilz font leurs offrandes et puis ilz s’assieuvent en quelque lieu, tant que les Docteurs aront dit ce qui s’enssieult et ledit lieu est au de Jherusalem, sur I banc preparé. II.44.Est assavoir que les VI Docteurs disputans au Temple sont Zorobabel, Gamaliel, Roboam, Ramasses, Nathan et Nacor, scribe, et Jhesus au milieu, quant il y venra. II.45.Lors Jhesus se part secrettement de sa mere et de Joseph, et s’en va vers les Docteurs ; et, quantil est pres, il dit ce qui s’enssieult ; sans entrer dedens. II.46.Nota que Joseph , Marie et tous les aultrez parenssont encore pres du Temple, quant Jhesus commence ceste clause. II.47.Lors ilz partent de Jherusalem et quant ilz viennent ung peu loing, chascun retire son quartier quant on leur fera savoir. II.48.Lors ellez se mettent à chemin pour aller en leur logis et doivent pietier le hourt, tant que on leur dira. II.49.Lors Jhesus se doit gambiier autour du Temple, et, incontinent que Sorobabel dira : « Je soustiens que Chistus est né », il doit gambiier autour du Temple et se mettre entre les Docteurs. II.50.Soit cy adverti Jhesus d’entrer dedens le Temple. II.51.Lors Zorobabel fait semblant de calculer et les aultrez prendent des livres et estudient. II.52.Soient advertis Esdras et Eliachim d’eux en aller, sans dire mot, en leur logis, mais Joseph n’y doit point entrer jusquez à tant que on luy dira et que Maris soit entrée en son logis premiere. II.53.Lors Marie s’en va en son logis de Nazareth et y doit ariver devant Joseph ; et Marie Jacobi s’en va en son logis dont elle [est] parti[e] et est assis à l’hostel Zebedee. II.54.Ycy soit adverti Joseph de aprochier son logis. II.55.Lors Marie Zebedée s’en va avec Zebedée et Marie Salomée et pour cause. II.56.Et quant Marie est arivée, Joseph vient qui dist : II.57.Lors Maria va vers Sebedée, et Joseph d’un aultre costé, et fait ung tour par le Hourt, tant que Marie aye testé par tous ses parens querir Jhesus ; et puis Joseph arivera encore a Zbebdée pour luy demander jhesus à son tour. II.58.Cy soit adverti Esdras d’aprochier Marie avoec Acquiline. II.59.Nota de avertir Joseph de venir ale maison Zebedée. II.60.Lors elle s’en va tenir compagnie à la Vierge Marie qui s’en va querant Jhesus. II.61.Nota. II.62.Lors s’en va vers Nostre Dame. II.63.Lors ilz s’en vont au Temple. II.64.Nota . II.65.Lors ilz s’en vont tous troix à leurs logis en Nazareth ; mais, apres disner, Jhesus à XII ans sera absocnsé et Jhesus à XXX ans appara ; et, depuis en advant, le logis de Marie et de Jhesus à XXX ans se fera, se on voeult, au logis de Adam. II.66.Nota que Nacor s’en doit aller joindre avec Cayphe. II.67.Lors Raphaël s’en va devers saint Jan au desert. II.68.Il s’en reva en Paradis sans parler. II.69.Et monte en le kaiere pour preschier. II.70.Icy cayphe et Anne, six Pharisiiens et IIII Scribes, tiennent conseil pour faire enquerir que c’est de Jam : c’est assavoir Jeroboam, Mardochée, Naason, Joathan, Eliachim, scribe, Bananias, Jacob, Yzacar, Nathan et Nacor. Apres midi du 2eme jour II.71.Lors boit 1 cop. II.72.Lors Jhesus s’en va vers sa mere et n’en bouger jusquez atant que on lui dira. II.73.Ilz s’en revont en Paradis. II.74.Il y va. II.75.Lors il le boute en prison puis Brongnart vient direà Herode ce qui s’enssieult : « J’ay bien, etc. » II.76.Icy s’en vont vers Architriclin et commence la mort du père de Judas. II.77.Icy se departent d’ensamble ; et en va Ruben en ung vergier preparé où il y a ung pommier fort chergié de pommes. II.78Ici s’en va Pilate ariere et Judas demeure pour rompre l’arbre et prendre les pommes. II.79.Là où Judas dit : « Bien voy qu’il ne sera mestrier de abattre etc. », il doit abatre deux ou trois branches de l’arbre son père ; et où il dit « Se sje ne l’ay de ce revert etc. », il en doit abatre encore une. II.80.Il va vers Judas. II.81.De l’espée. II.82.Percutit. II.83.Percutit. II.84.Percutit. II.85.Icy s’entrebatent, et en fin, Judas l’abat par terre, en disant ce mot : II.86.A la IIIIe ligne de cette clause doibt aller vers son mari. II.87.Lors que Pilate dist : « Or cha, Seigneurs, il souffist etc. » ; ilz vont ariere et laissent parler à part le femme Ruben avec Pilate. II.88.Ici Judas prent Ciborée par le bras et le maine à part et lui dit : II.89.Ci soient advertis saint Piere et saint Andrieu d’aprochier la mer et entrer et yssir aucune fois des batelez, faisant semblant de voloir pesquier et remouvoir leur roitz. II.90.Et ici soit advertis Jhesus de sortir hors du logis de sa mere pour evoquier les apostles. II.91.Lors ilz s’en vont ensamble et commence l’Evocation des Apostles. II.92.Lors Jhesus s’en va vers la mer pour appeler saint Piere et saint Andrieu. II.93.Ici Jhesus arive sur le bort de la mer II.94.Est à noter que, tandis que saint Phelippe parle à saint Jehan l’Evangeliste, habilliet honnourablement comme pour soy mariier, s’en doit aller sans dire mot en la chane de Galilée avec Arcitriclin. II.95Lors il sieult Jhesus avec saint Piere et saint Andrieu, et s’en vont ariere de la mer, et vont pas le Parcq pour apeller Saint Berthelemieu, tousjours en leur habit de pescheur. II.96.En disant ceste clause, soit adverti saint Phelippe s’en aller vers Nathanel. II.97.Lors saint Phelippe va vers saint Nathanel. II.98.Lors saint Phelippe le maine devers Jhesus. II.99.A la seconde ligne se doibt mettre à genoulx. II.100.Là où il dit dist : « vous autres, soiiés diligens de aprester viandes et tables etc. », tout se doibt aprester à diligence. II.101.Il va à Marie. II.102.Soit ci adverti Jhesus de sortir hors d’avec sa mere et ambuler par le Parcq, affin qu’il soit rencontré de Abias. II.103.Advertir Abias de venir vers Marie pour priier es noepces Arcitriclin. II.104.Il revient vers Architriclin. II.105.Ilz vont.Silete. II.106.Ilz se asieuuent. II.107.Silete II.108.Ici fait Jhesus benediction sur le pain, teant en sa main et le distribue partout, et doit estre l’espousée assize au milieu, Nostre Dame d’un costé, Jhesus à l’autre et puis les apostles. Architriclin se assiet au boult de la table ; saint Jehan l’Evangeliste est vestu d’une belle robe blance, et les autres serviteurs servent, mais ledit Architriclin ne se doibt point seoir jusques à ce que on luy dira. II.109.Sillete. II.110.Icy s’assiet Arcitriclin. II.111.Icy se lieve Arcitriclin. II.112.Ici se rassiet Architriclin. II.113.Lors ilz emplent les VI ydries d’eaue, lesquelles seront mises de renc sur une assiette hault pour les voir. II.114.Lors Jhesus fait le signe de la croix et dit : II.115.Ici ledict Abias port ung ghobelet de vibn à Architriclin, puis dit : II.Il boit. II.116.Là ou il dist : « Appellez moy le mariét » lors saint Jan vient à Architriclin. II.117.Quant il dist : « Or sus desservez », il, ledit Architriclin, se lieve, puis il dit encore : II.118.Lors on dessert à diligence. II.119.A la Veme ligne de ceste clause, se dirons Graces en bas, puis Jhesus doit prendre Saint Jan par la main senestre et le tirer arire des autres : « devant que ici departir » etc. II.120.Lors Saint Jehan Evangeliste s’en doit aller à diligence à l’ostel de son père Zbedée, pour estre evocquiét de Jhesus avec son frere Saint Jacques le grant ; et doivent estre Zbedée et Saint Jacques presentement aupres de la mer. II.121.Lors l’espousée se depart et se poelt despointier. II.122.Lors il s’eslonge de sa mere. II.123.Quand il dit : « Sievez moy », lors Jhesus et ses disciples vont vers la mer pour appeler saint Jacques et saint Jan. II.124.Lors ilz besongnent à leur roith avec Zebedée leur dit père. II.125.Ilz besongnent lors qu’il dit : « Chacun mete la main dessus ». II.126.Lors il le sieult, et s’en vont à saint Simon et saint Jude. II.127.Ici cheminent les X apostels avec Jhesus en leurs habis mecanicques. II.128.Lors il sieult Jhesus. II.129.Ici doit saint Jacques Minor sievyr Jhesus, et est à noter que c’est celui qui lui ressembloit, et pour ce doit-il estre habilliét assez pres ainsi que Jhesus et toujours en ceste stat poursuyr, tant qu’il ara son habit d’apostle. II.130.Cette clause finée, Jhesus va en son lieu. II.131.Lors que Judas fera ses lamentations par petites licquettes de III silabes, doit estre adverti Jhesus de yssir hors de son lieu et venir aval le Parcq pour rencontrer Judas. Et ceste clause finée, Judas s’en va vers Jhesus. II.132.Nota que apres que saint Jude ara dit : « Nous vous sievrons partout », Jhesus et ses Apostles s’en vont vers Simon le Lepreux. II.133.Nota que Jhesus et ses Apostles s’en vont vers Simon le Lepreux. II.134.Il s’en va ves les presbstres ou Temple. II.135.En la fin de ceste clause se doit lever le filz de Centurion. II.136.Lors Centurion s’en va en arire de Jhesus et rencontre Gadix son serviteur, qui lui vient dire ce qui s’enssieult. II.137.Ceci se dit en allant à son logis. II.138.Ici soit adverti Drogo, fils de Lucine, de soy couchier sur ung lit, faisant semblant qu’il se moert, et puis tantost apres Sadoc, Narus, Nabor et Epilon le ensevelissent sans dire mot. II.139.Il s’en va par le Parcq. Et est à noter qu’il se doit trouver au resuscitement du fil de Lucyne, qui vient cy apres. II.140.Lors le baise. II.141.Quand il dit : « Jhesus qui par commandement », ledit Lazare se doit engenoullier. II.142.Ramentevoir à ceulx des secretz des tonnoires de faire leu debvoir de leur billet de advertence, et que ilz ne oublient de faire cesser quand Dieu ara dit : « Cesse et face transquilité » II.143.Soit adverti Jhesus de aprochier vers la mer. II.144.Ici Lazare jette son oiseau au vent et sa trompe par terre ; et Brunamont recoelle tout. II.145.Lors Lazar[e] leisse Brunamont. II.146.Soit ici adverti Ignatée de aprochier Jhesus et le montrer quand il saura dele mer. II.147.Ilz entrent tous huit dedens les nacelles, c’est assavoir : saint Jan, saint Piere, saint Berthelmieu, saint Mahieu, saint Jacque le grand, saint Jude, saint Jacque le petit et Jhesus. II.148.Lors ilz nagent et Jhesus dort. II.149.Lors Jhesus se part hors de la nacelle et s’en va vers Jayrus. II.150.Ilz vont. II.151.Lors elle va secetement par deriere toucher le boult de sa robe. II.152.Soit ici adverti Jhesus de venir à Jayrus. II.153.Lors elle s’en va et Jhesus rencontre Jayrus. II.154.Il le regarde. II.155.Lors Jhesus s’aproche d’elle et dit : Matinée de la troisieme journée III.1.Lors ilz demeurent tous, fors saint Jehan et saint Jacques qui s’en vont avec Jhesus. III.2.Nota que icy Jhesus entre dedens la montaigne pour soy vestir d’une robe blance et la plus blance que trouver se pouelt, et une face et les mains d’or bruni et devera eslever ses mains ; et soit deriere lui ung grant soleil, puis doit estre levé en hault par l’enghien a ce ordonné et tantost apres doivent aparoir Helie à dextre en habit de Carme et une torque de prophete sur sa teste ; et tandis que ces choses se prepareront la Maghdelaine doit parler et Jhesus ne se doit point monstrer jusques à ce qu’elle ara dict. III.3.Ilz chantent, Magdelaine et ses demoiselles, quelque chanchon à leur aise en elles demenant honnestement et joyeusement. III.4.Cy doit jhesus apparoir tranfiguré. III.5.Soit cy adverti Fergalus deable qu’il s’en voist par les secrez mettre au desoubz dele fille dele Cananée pour faire une grande fumée et ung canon, quant il vuidera de son corps cy apres. III.6.Lors la nuée descent sur le mont. III.7.Icy parle Dieu à III voix. III.8.Lors ilz cheent suz leur faches, puis se lievent. III.9.Lors ilz cheent encores une fois sur leur fache et Helye et Moyse prendent congié reveranment sans parler et s’esvannissent ; et Jhesus retourne en sa fourme humaine. III.10.Lors ilz descendent. III.11.Icy Perusine et Passiphé luy apportent des petites fiolettes pleines d’eaue rose ou de damas et d’espy, et son miroir, esponge et pigne. III.12.Elle se lave. III.13.Elles jettent tout hors. III.14.Icy sortit une fumée et ung canon de dessoubz le fille, et Fergalus vuide. III.15.Il s’en va en Enffer. III.16.Elle se lieve. III.17.Lors Jhesus s’en va devers sa mere [en Nazareth] III.18.Lors il va sonner le trompette et puis il lit en ung rolet ce qui s’ensuyt. III.19.Il s’en va, et Jaÿrus, Nicodesme, Habiron, Pharès et Rodigon s’en bont au palais d’Herode. III.20.Icy lavent le Roy et Herodias ; et puis Herode s’assiet et Herodias et la fille de Herodais. III.21.Lors elle s’en va dansser. III.22.Lors elle va dansser une mourisque au son du tamburin, et puis le tamburin se tait une espasse et la fille danse tousjours. III.23.Elle lui baille I [ung] plat. III.24.Lors elle s’en va au roy. III.25.Ilz s’en vont à Jan. III.26.Florence va ung peu ariere. III.27.Il le decole. III.28.Soient cy adverty les chantres de aller faire au Limbe quelque motet, quand on leur fera signe. III.29.Il le meth au plat. III.30.Elle le met devant Herodias. III.31.Elle donne ung cop de couttiau. III.32.Memore de nonchier Lucifer. III.33.Ilz se lievent de la table et s’en vont. III.34.Faire feste au Limbe. III.35.Soit cy adverti Jhesus s’en aller vers sa mere . III.36.Nota de nonchier la Samaritaine. III.37.Lors il se assiet contre le puis. III.38.Ilz s’en vont et la samaritaine arive. III.39.Icy arivent les Appostles à Jhesus, qui lui apportent du pain et s’arestent de loing ; et dict : III.40.Elle s’en va. III.41.Et quant il a dict la ligne qui s’ensuyt : « N’est-ce point le Cripst, le Messie », elle doit dire encore plus hault. III.42.Ilz s’en vont au puit avec Raab . III.43.Advertir de faire lever Zeno. Regulus s’en va à son hostel. III.44.Icy Tubal se lieve joyeusement et Jhesus s’en va arriere. III.45.Soit cy adverty Cherbere, deable, de s’en aller au secret où est Acharet, demonciacle, [et qu’il face fumée à son depart dudit secret quant temps sera.] III.46.Il s’en va atout son lit vers les juifs. III.47.Cy se tire arriere Tubal et puis il dict. III.48.Il porte son lit à l’hostel. III.49.Lors il va au Temple et Jhesus rencontre. III.50.Et sitost qu’il a dict : « Et pour le publiier au plein », lors ilz s’eslongent l’un et l’autre, et Jhesus s’en va preschier. III.51.Et quant il vient aux Scribes, il dit : « Ha, messeigneurs » etc. III.52.Il s’en va devers Atharet, demoniacle. III.53.Ilz s’en vont à la mer. III.54.Soit cy adverti Calphain, juif, Brandis, Nerot, Phenac, Mouret, tous V de aller au lieu Atharet pour parler à Jhesus. III.55.Ilz s’en vont. III.56.Les Juyfs dessusditz et pluiseurs aultres se doivent cy assambler comme un sermon. III.57Soit cy adverti Benjamin venir le hourt atout pain et poissons. III.58.Nota d’icy advertir Tubal, paraliticque, et les Juifz, est assavoir : Moab, Abacut, Manasses, Abdias, Sophonias et les scribes : Phares, Abiron, Salmanasar, Nembroth, Gedeon, Neptalin, eulx trouver avoec Jhesus et ses disciples, et toujours sieuvyr Jhesus à la refection de V pains et II poissons. III.59.Nota que quand il dit : « Et pour lui je vous remerchie », il part et va à Jhesus porter les V pains et les II (autres) poissons. III.60.Ilz se assient à table. III.61.Ilz ne se bougent encores. III.62.[Elle y va] III.63.Ne se bouge. III.64.Lors elles aportent des petis coffres. III.65.Lors elle le thire à part. III.66.Ilz recoeillent tout et le mettent dedens belles blances mandes d’osiere.XII. III.67.Ilz s’en vont et doit Jhesus pietier aval le hourt tant qu’il parlera. III.68.Soit cy adverti Phares et Abiron eulx en aller à l’ostel Simon le Lepreux. III.69.Icy vont lesdits Juifs passer par devant le castiel dele Magdaleine et y a trois desdits Juifs qui se arestent à elle, c’est assavoir : Tubal, Gedeon et Abacut. III.70.Ilz s’en vont. III.71.Nota que tous les Juifz dessus-dis doivent estre au sermon de jhesus, les Scribes et Pharisiens ; et le Magdaleine, assez pres du temple, et en fin du sermon fait semblant de plorer avoecq Simon le Pharisien . III.72.Lors chascun s’en va et Magdaleine fait sa complainte piteuse. III.73.Advertir ale maison Simon de apointer le disner et mettre la table. III.74.Il s’en va devant a se maison. III.75.Icy s’assiet Jhesus au milieu, saint Pierre à dextre, saint Jehan à senestre et les aultres Apostles, Simon au bout de la table, et Judas sert ; et si doit estre Phares et Abiron. III.76.Icy [soit] la Magdalene vestue comme devant, fors qu’elle a ung simple keuvre-chief suz le teste. III.77.lors font bonne chiere. III.78.Lors Magdalene se jette aux pieds de Jhesus soubz la table par derriere Jhesus et arose et essue de ses cheveulx ses pieds, puis se lieve et jette dessus le chief de Jhesus de l’eaue de Damas. III.79.Cy Simon se lieve et vient devant la table, devant Jhesus. III.80.Icy se doit lever Magdaleine. III.81.Et quant [elle] dit : « Je feray d’icy departie », elle doit vuidier hors de l’hostel Simon, où elle doit trouver ses demoiselles, et quant elle dit : « J’en quicte la mondanité », lors elle deschire ses habis de mondanité. III.82.Lors elle s’en va devers Marthe en faisant semblant de plorer et se doivent vestir humblement de habis de simplicité. III.83.Ilz vont vers Jherusalem. III.84.Soit ci signeffié l’aveugle Barthimée pour soy preparer pour parler apres Marthe, IIè fois, lorsqu’il ora sa replicque telle : « Vous en venra ». III.85.Soient cy advertis Gedeon, Neptalin, Moab, Celius, Abiron, Abacut, Phares et Nicodesme de eulx en aller devers Barthimée. III.86.Soient advertis tous estre ensemble : Jeroboam, Mardochée, Naason, Jacob, Ysacar, Joachin, Jayrus, Eliachim, Bananias, Nathan et Nacor, pour tenir conseil sans parler, puis se remettre en leur place. III.87.Icy Jhesus chemine sans mot dire. III.88.Icy saint Pierre amaine l’aveugle à Jhesus, et Jhesus prend de la pouldre à terre et le meth en sa main, puis il racque dedens et mesle le pouldreà son doy, puis enoing les yeulx de l’aveugle, et s’en va aux bains de Siloë. III.89.Ilz s’en vient par deverz les Pharisiens. III.90.Icy vont tous les Juifs au Conseil des Pharisiens et mainent Bathimée. III.91.Lors le père et le mere s’en vont et l’aveugle demeure. III.92.Icy l’aveugle s’en va vers Jhesus ; et Nicodesme et Jayrus s’en vont ensemble hors du conseilet les aultres s’en vont en leurs lieux. III.93.Il s’en va. III.94.Lors s’en vont oultre le fleuve de Jourdain. III.95.Icy se couche suz ung beau lit paré ; Marthe est d’un léz et Magdaleine de l’autre, et a ung keuvre-chief sus la teste. III.96.Soient cy advertis Neptalim, Manassès, d’eulx gambiier devant le logis de Lazare pour entrer dedens quant on fera signe. III.97.Soit cy adverti Brunamont de passer devant Abias, Manassès et les autrez, etc. III.98.Il s’en va. III.99.Soient cy advertis Neptalim, Sophonias et les autres venir devant Lazare. III.100.Nota que Marthe doit estre assez loing u lit et Magdalein aussi ; et rechoipvent leurs parens qui les vont visiter. III.101.Il muert. III.102.Soient cy adverti Moab et Celius de venir à l’hostel Simon le Lépreux. III.103.Ilz viennent à Marthe. III.104.Soit adverti que Jayrus se troeuve avec Simon le Pharisien, pour eulxen aller vers Lazare sans dire mot. III.105.Lors ces IIII personnages dessusdits ensepvelissent Lazare et le portent en terre, bien loing, au lieu preparé, et il puelt-on faire de grand triomphe, comme de mort de noble homme. III.106.Lors ces IIII s’en vont en Bethanie. Apres midi de la troisieme journée III.107.Memore de mettre en bethanie Maria en oroison. III.108.Icy s’en va une autre compagnie de Juifz vers Lazare. III.109.Ilz s’en vont devers le logis de Lazare. III.110.Encore s’en vaune aultre compagnie de Juifz vers Lazare. III.111.Ilz s’en vont III.112.Ici arive Jhesus assez loing de (Marthe et de) Madelaine et se areste tout quoy, et Madelaine se assiet à terre pres du lit, et est à noter que Nostre Dame est en Bethanie, comme en oroison à part, et ne se troeuve point au mistere de Lazare jusques au retour de Jhesus. III.113.A la IIè ligne de sa clause doit-elle coure apres Jhesus, puis dire : « Ha ! Jhesus, Jhesus (etc.) » III.114.Lors Marthe coeurt tres hastivement vers Marie pour le faire venir. III.115.Lors Magdalaine se lieve et s’en queurt joyeusement. III.116.Ilz vont. II.117.Lors on le maine au tombeau de Lazare. III.118.Ici admentevoir de oster le pierre et de estouper les nez. III.119.Lors ilz mettent juz le pierre et chascun estouppe son nez ! III.120.En la penultisme [ligne] dele clause de Jhesus, icellui Jhesus doit se lever et criier à haulte voix : « Lazare, viens hors » III.121.Icy sourt apres ceste appellation ledit Lazare liiét en son suaire et se doit mettre à genoulx, en disant : III.122.Lors on le deslie. III.123.Ici se revest Lazare d’habis simples et s’en va avec Marthe et Madelaine, et Jhesus avec Marie. III.124.Jaÿrus doit demorer avec Lazare et Nicodesme. III.125.Ici s’en vont ces IIII juyfz parler aux Pharisiens et scribes, et tous les aultres juyfz s’en vont aultre part, excepté Jayrus et Nicodesme, qui sont avec Lazare, et les dessus-dits IIII Juyfs sont : Pharès, Celsidon, Emelius et Salmanazar. III.126.Lors ilz s’en vont à Cayphe tenir conseil et y vont premierement Jheroboam, Jacob, Bananias, Eliachim, Naason, Mardochée, Pharès, Abiron, Salmanazar, Emelius, Celsidon et Rabanus. III.127.Ilz se asseent. III.128.Icy soit adverty Jhesus de aprochier l’hostel de sa mere. III.129.Il [y] va. III.130.Soit (icy) adverti Maucourant de aprochier Anne. III.131.Soient ici advertis Jhesus et sa mere, le Magdelaine, Marthe, Jayrus et Lazare d’eulx trouver ensemble pres de la maison Simon le Lepreux, en gambiant à l’endroit d’elle, sans entrer en la maison Simon. III.132.Icy s’en vont les dits VI Tirans authour du Temple pour cuidier prendre Jhesus, lequel s’en va avec sa mere, Magdalaine et Marthe, devers l’ostel Symon, où est Jayrus. III.133.Icy vont Jhesus, Nostre Dame, Lazare, Marthe, Jayrus, Nicodesme et les Apostles en l’hostel Simon et Magdalaine demeure deriere et n’y va point. III.134.Soit ci adverti Jhesus d’aprochier Simon. III.135.Lors Jhesus s’assiet au millieu et Nostre Dame du costé dextre ou senestre, et les aultres, fors Marthe et Judas. III.136.Soient icy advertis les Tirans d’aprochier Cayphe. III.137.En ce pas ici doit Magdalaine ghambier par le Parcq tant que on l’ayt adverty. III.138.Lors chascun s’en reva en se place et Anne remaine ses Tirans. III.139.A la XVIè ligne contenant : « Devant son haultain prescavoir », doit Magdelaine entrer ens la maison Simon. III.140.A la ligne qui dist : « Dessus toy respans derechief », elle en gectte quelque partie ; et à la dereniere ligne finée, elle vuide tout. III.141.Lors il dit graces en silence, et puis il dira à se mere ale [chincquime] ligne : « Chiere mere ». III.142.A la IXè ligne adresche Jhesus son parler à Marie et aux aultres. III.143.Lors ilz vuident tous. III.144.Lors chascun s’en va. III.145.Il vont à l’anesse. III.146.Ilz s’aprochent pour desliier l’asne. III.147.Lors ilz gectent sus leurs manteaux et Jhesus monte sur l’anesse. III.148.Soient advertis Emelius de s’en venir avec Celsidon, Rabanus, Zachée et les aultres pour aller à l’entrée de Jherualem, Abdias, Manassez, Sophonias et Benjamin. III.149.Lors Manassez veste une belle robe (noefve) à son filz Benjamin et lui meth ung chappeau de fleurs sur sa teste et prendent chacun des palmes de buichz. III.150.En allant à Veronne. III.151.Lors s’en vont querir des rainssiaux pour aller au devant de Jhesus et se tient aultre conseil des marchissans en Jherusalem, comme il s’enssieult. III.152.Ici est Jhesus sus l’asne et ya quattre Apotles devant lui et quattre apres et sont bien loing de la chité. III.153.Lors ilz vont avec(ques) les aultres ung peu, et Zachée se depart et va monter sur ung arbre là preparé, sur lequel arbre il doit dire son couplet cy enssyevent [est ] assavoir : « O benoit sauveur, etc. » III.154.Ici soit adverti Zachée de descendre de l’abre et soy joindre avec Manassez, Benjamin et les aultres pour aller avec eulx. III.155.Nota pour Zachée. III.156.Icy soit chantét ung motet en Jherusalem. III.157.Chy descend Jhesus de l’asne. III.158.Il s’en va au Temple. III.159.Ilz vont querir l’Adultere et les aultres Juifz vont vers Jhesus. III.160.Ici le mainent aux Juifz, qui sont devers Jhesus lorsque ceste Adultere ara finé sa clause. III.161.Icy Jhesus s’encline et escript de son doit en terre quelques figures. III.162.(Lors Jhesus s’encline et escript) III.163.Il s’en va tout seul. III.164.Il s’en va. III.165. Il s’en va III.166. Il s’en va III.167. Il s’en va III.168 .Il s’en va III.169.Apres sa clause finée, elle s’en reva en son lieu. III.170.A la IIIè ligne, où il dit : » Je yray voir », doit aler devers le fighier et, lui illec venu, doit regarder de tous lez ledit fighier. III.171.Apres qu’il ara dit : « Jamais nul jour ne soit fertille », doivent les foeulles cheir. III.172.Ilz vont vers Jhesus. III.173.Lors ilz reviennent à Jhesus. III.174.Il[z] vont. III.175.Jhesus s’en va en Bethanie. III.176.Soit ici adverti Sathan de venir autour de Judas. III.177.Lorsqu’il dit : « Je yray tout droit », doit aller vers les Prinches. III.178.Il jette une boursse. III.179.Nota que en ce passaige on doit commenchier à faire venir tous les gens d’ames sans dire mot, qui doivent estre ale prinse de Jhesus cy-apres. III.180.Soit cy adverti que le porteur d’eaue se doit trouver aval le Parc. III.181.Une petite pause. III.182.Soit ici adverti s’en venir avec ses disciples devers Jherusalem. III.183.Lors il va querir ung agniel rosty et deux ou trois platz de laitues avec pain et vin. III.184.Lorsque Jhesus profere la Vè ligne de ceste clause, commenchant : »Or sus etc. », se doivent asseir les apostles, et Jhesus ou millieu. III.185.Nota que tous les Apostles doivent ci avoir des sorlés blancs en leurs piedz et estre chains de coroyes ou touelles sur leurs tobes, leurs manteaux hostée, et ung baston blanc en leurs mains, comme ung bourdon, et n’y a sur la table que des fouaches blances petites avec les autres et l’agniel, et Jhesus prend ung pain et le ronpt par le milieu, puis il dit, apres qu’il atont mengié, [che qui s’enssieult] III.186.Lors il prent tout [ce] qu’il faut. III.187.Lors il les lave sans que Judas die riens. III.188.Lors il lave à chascun les piedz. III.189.Là où Jhesus dit : « Je me rasseray avec vous », il se assiet (Silete) III.190.Environ le millieu de la clause et si comme au pas de la ligne qui dit : « Et derniere surrection », se doit lors Jhesus lever droit. III.191.Item où il dist : « Sur ce pain pour l’honneur de Dieu », doit Jhesus prendre une hostie et le tient ale main senestre et meth la main dextre dessus.Et à ce qu’il dist : « le pain transsubtancierz », il prend le calice comme dessus. III.192.Lors Jhesus lui baille une hostie. III.193.Il en donne à chascun. III.194.Petite pose. III.195.Lors saint Jan s’encline sur la poitrine de Jhesus, et Jhesus baille à Judas une souppe tainte en vin. III.196.Lors il s’en va vers les Juyfz. III.197.Ilz se lievent. III.198.Lors il se meth à genoulx, la face vers Paradis. III.199.A la XIIè ligne commenchant : « N’enfrindray etc.. », puis il dist : « Aller voir voel etc. », et lorsqu’il a dit : « Mes compaignons… », là entre eulx trois il va. III.200.Doivent aller lorsque Judas dira : « sus habillement ». III.201.Lors Jhesus se lieve de son oroison. III.202.Ilz s’en revont et Jhesus vient à Saint Pierre etc. III.203.Lors Jhesus les maine avec(ques) les aultres. III.204.En la fin de ceste clause se assiet Jhesus aupres des XI Apostles. III.205.Lors ilz avanchent. III.206.Lors Jhesus et tous les XI apotles s’en viennent à l’encontre des Juyfz. III.207.En ce pas est à noter que Judas marche et vient baisier Jhesus ou Jardin d’Olivet, et toutte sa cohorte des Juyfz demeurent deriere assez loing de Judas. III.208.Il le baise. III.209.Lors Jhesus se vient presenter ale cohorte. III.210.Lors tous les Juyfz tombent par terre à revers et Judas aussi. III.211.Cy se relievent. III.212.Lors ilz cheent pour le IIe fois, comme devant, tous enssamble et ne se lievent point jusques ad ce que Jhesus parlera. III.213.Lors ilz cheent pour le IIIe fois et adont esse que Jhesus dit : « Prenez-moy », ilz se lievent. III.214.Il le prend. III.215.Ilz le prendent. III.216.Il le tient par le corps. III.217.Lors Saint Pierre lui colpe l’oreille et doit Malcus queÿr. III.218.Ici Saint Pierre s’en va arriere et tous les Apostles, fors Saint Jehan qui sieult (tousjours) Jhesus de loing. III.219.Lors Jhesus ghary son oreille. III.220.Ilz le mainent sus Anne. III.221.Il le happe. III.222.Lors s’enfuit et habandonne son mantel vermeil, et s’en va avec Saint Pierre. III.223.Lors il entre en l’auditoire de Anne en bas. III.224.Il y va. III.225.Soit ici advertie le chamberiere de Anne de soy tenir a l’entrée du Pretoire pour parler à [Saint] Jan. III.226.Lors il entre, et saint Pierre demeure à l’huis. III.227.Lors saint Pierre s’en va au feu qui est piecha preparé, et y sont tous les Juyfz. III.228.Ici est faicte la premiere negation et c[h]ante le coq assez bas. III.229.Ici Anne s’en vient seoir en son siege paré. III.230.Il frappe. III.231.Le IIe negation. III.232.Lors Saint Pierre et Saint Jehan vont secretement dehors. III.233.Ilz s’en vont à Caÿphe.Soient cy advertis les tirans dudit Caÿphe. III.234.IIIe negation. III.235.Lors Jhesus regarde saint Pierre. Puis saint Pierre dit, en congnoissant son cas : « Ha, Jhesus, etc. ». III.236.Soit (ici) adverti Anne de s’en venir, sans dire mot, avec les Juyfz sus Caÿphe ;et, en fin de ceste clause, s’en va bouter saint Pierre en une fosse. III.237.Lors on meth Jhesus tout seul devant Caÿphe, et les aultres se recullent. III.238.En cryant bien hault. III.239.Lors Anne s’en va aval le Parc avec ses gens, et Judas le rencontre et le maine sus Pilatte ; et se gambient par le Parcq, jusques que on leur fera signe de aprochier Pilate. III.240.Il gette le boursée. III.241.A la IIIIe ligne contenant : « Qui vous sera chiere vendue », il doit aller ariere des Juyfz comme tout cour(ou)chié. III.242.Lors Sathan et Cerbere s’en vont avec Desesperance. III.243.Elle va vers luy. III.244.Elle lui monstre ung coutel, au pas qu’elle touche de se coper la gorge ; et, au pas parlant du laz, monstre audit Judas ung l[i]ecol pour lui pendre. III.245.Lors il monte et ossi Desesperance, mais les aultres deables demeurent en bas. III.246.Là où il dit : « Moy meisme atacheray la corde », il doit fere semblant de mettre icelle corde. III.247.Il se pend. III.248.Soient cy advertis les Juyfz qui sont sur le Parc qtout Jhesus d’aprochier Pilatte. III.249.Là où Sathan dit : « Car ses tripes deschireray », il doit deschirer tout. III.250.Et quand il dit : « Faites grand feste, Lucifer, etc. », il doit descendre et s’en aller vers Lucifer. III.251.Lors soit Faitte en Enffer une grande noise et tempeste. III.252.A la derniere ligne de ceste clause doit monstrer un grolle de papyer. III.253.Lors Pilatte fait aprochier Jhesus. III.254.Icy est à noter que Pilate s’en vient en son Pretoire, qui est ung Parquet tout kairé, et ya une cayere haulte bien parée et une aultre cayere où Pilate se assielt pour faire les prochez et les interroghations à Jhesus et ne se sieult point en ceste haulte cayere jusques ce qu’il donne la sentence contre Jhesus pour le crucifier. III.255.Item est à noter que dedens ledit parquet n’y entre que Pilatte, qui se assiet en ladite seconde cayere, et Jhesus devant lui tout seullet, qu’il prend par le main pour le mettre dedens, et tous les aultres Juyfz demeurent hors. Puis il dit. III.256.Lorsque Pilatte dist : « Quid est veritas », il sortit hors du Pretoire pour parler aux Juyfz. III.257.Ilz disent ceci en allant. III.258.Il le happe. III.260.Il frappe. III.261.Il frappe. III.262. Il frappe. III.263.A la Ixe ligne, qui contient : « Amenés-le ici, etc. » doivent mettre les Tirans Jhesus tout seul devant Herode. III.264.Petite pose. III.265.Lors ilz lui vestent ung habit blan de fol sus sa robe, qui va jusques enmy gambe. III.266.Ilz remainent Jhesus à Pilate. Matinée du 4ème jour IV.1.Nota que au commenchement du ju, Cayphe, Anne, Jeroboam, Phares, Abiron et tous ceulx qui sont à faire morir Jhesus doibvent estre à l’hostel Pilate. IV .2.Ilz vont ale prison. IV.3.Lorz il tire Barabas et le livre à Griffon. IV.4.Fait samblant de souffler en ses mains. IV.5.En allant pres de Pilate. IV.6.Lors Pilate met Jhesus à destre et Barabas à senestre. IV.7.Lors Pilate entre au Pretore et monte en le haulte Kaiere pour delivrer Baraban. IV.8.Lors Barabas s’enfuit et Pilate descend du Pretore et vient aux Juifz. IV.9.Lors Pilate s’assiet sus une cayere hors du Pretore, et Jhesus demeure dedens ledit Pretore. IV.10.Lors les bouriaux le vont querir dedens le Pretore et l’atacquent etc… IV.11.En despoullant Jhesus. IV.12.Ilz le despoulent tout nud. IV.13.Et l’atacquant tout nud. IV.14.Ilz le lient. IV.15.En parlant à Pilate. IV.16.Il en prend une. IV.17. Il en prend une. IV.18. Il en prend une. IV.19. Il en prend une. IV.20.Ilz frappent tous. IV.21.Il frappe. IV.22.Moneatur. IV.23.Il frappe. IV.24.Moneatur. IV.25.Il frappe. IV.26.Moneatur. IV.27.Cy soyent advertis les aultres Boureaux de aprochier le Pretore de Pilate, pour eulx joindre avec ceulx de Pilate, quant on leur dira. IV.28.Il frappe. IV.29.Lors ilz frappent tous enssamble. IV.30.Lors les aultres Boureaux viennent. IV.31.Lors chascun prend des fouetz. IV.32.Ilz le deslient et le revestent, et le font ceulx qui ne dient rien. IV.33.Nota qu’i fault avoir ung viel habit fourré de martre tout deschiré par les bors. IV.34.Lors on prend Jhesus au Pretore et le tire hors Griffon. IV.35.Lors ilz le deslient et le vestent. IV.36.Ilz le vestent. IV.37.Lors ilz l’assient sus une basse selle. IV.38.Lors il va preparer le couronne. IV.39.Soit icy adverti Dragon d’aprochier atout le couronne. IV.40.Soit cy pourveu aux bastons pour le couronner. IV.41.Ilz lui enfournent le couronne par les bastons. IV.42.Clacquedent le prend par le barbe. IV.43.Lors on maine Jhesus à Pilate, quant Pilate dist : « Que à paine regarder le puis », lequel Pilate sault hors du Pretore et monstre Jhesus aux Juis, le tenant par la main. IV.44.Quant Pilate dit : « Se le voeul examiner sus », il doit rentrer dedens le Pretore et se assire sur le moyene Cayere et Jhesus devant luy. IV.45.Lors Pilate vuide hors du Pretore tout seul, et vient dire aux Juifx. IV.46.Estre cy adverti de semonre Adam au Limbe. IV.47.Estre adverti de semonre Dieu le Père. IV.48.Et doivent venir au Limbe. IV.49.Estre adverti de aller semonre Progilla, femme de Pilate. IV.50.Cy doivent estre advertis ceulx qui chantent les motez en Paradis, de descendre de Paradis et eulx en aller au Limbe, pour chanter ung motet, quand on leur dira. IV.51.Nota que Sathan doit estre par le Parcque et non venir en Enfer tant que on lui fera signe. IV.52.Lors se dit un motet au Limbe. IV.53.Soit cy adverti Sathan de aprochier Enfer. IV.54.Cy doit estre adverti Baraquin soy en aller au logis de Progille, femme de Pilate. IV.55.Lors Progille s’esvelle et se assiet en son lit sans soy lever. IV.56.Et quant elle dit : « Qui m’avés revelé cecy », lors elle se lieve et descend de son lit. IV.57.Il s’en va vers Pilate, assis au Pretore en la haulte Kayere. IV.58.Soit adeverti Baraquin d’entrer au Pretore. IV.59.Il s’en va. IV.60.Quant Pilate dit : « Ou s’il se voroit revoquier », il doit descendre dele haulte Cayere et vient aux Juifz. IV.61.Pilate dist à par lui ceste clause hors du Pretore. IV.62.Et quant il dit : « Quelque jour, je voy bien que c’est », il doit rentrer au Pretore et se assire en la haulte Cayere. IV.63.Advertir de apointier ung bachin et une tuaille. IV.64.Il aporte. IV.65.Nota d’advertir Pipesolle de laissier l’uis dele prison ouvert. IV.66.Il entre dedens et tire hors les deux prisonniers. IV.67.Nota, quant pilate dit : « Puis que ame n’est qui en debate », de les faire assir sur une sellette. IV.68.Y va querir ung carpentier. IV.69.En allant à Pilate. IV.70.Lors il s’en va faire samblant de carpentier un piece de bos que on ara là préparée, car les croix sont muchies au secret, mais le croix que Jhesus doit porter sera presente et monstrée par ledit Carpentier a Pilate. IV.71.Advertir Baraquin de prendre une trompette pour tromper, quant on l’avertira. IV.72.Et quant il ara dit : « Tout le monde de tous cotés », il trompe et puis predit : IV.73.Soit cy adverty Bruyant de aller querir, sans mot dire, les trois cloeux et les tenir en sa main pour les monstrer, quand il devera partir. IV.74.Ilz s’en vont. IV.75.Il commence à desvetir Jhesus. IV.76.Tousjours en faisant signe de le desvetir. IV.77.Ilz le desvetent tout nud. IV.78.Ilz luy vestent sa robe inconsubtille. IV.79.Petite pause. IV.80.Lors ilz le lient par le corps et par les brachz. IV.81.Ilz se mocquent de Jhesus. IV.82.Soient icy advertis Centurion et ses compagnons de eulx approcier de Jhesus quand il marchera hors du Pretore Pilate. IV.83.Icy soit descouverte le petite croix creuse que Jhesus doit porter, affin qu’elle soit plus preste à luy baillier. IV.84.Cy doit Griffon lever de terre ladite croix, puis il dit à Jhesus : IV.85.Et fait à noter que Jhesus doit estre entre deux larons en ambulant. IV.86.Lors ilz luy chergent, et ambulent pour aller au Mont de Calvaire. IV.87.Ilz le bouttent et sacquent. IV.88.Nota que Gabriel est toudis avec-que Nostre-Damme. IV.89.Nota de faire enir Joseph d’Arimathie vers les Marie sans parler. IV.90.Ellez s’en vont au devant de Jhesus. IV.91.Quant Veronne dit ceste ligne : « Si volray de ce coeuvre-chief », elle le desploye, et, quant elle dit : « Et de present est difformée », lors elle essue la face de Jhesus et le Veronnicque y appert ; et le doit monstrer au peuple. IV.92.Il chemine ung peu. IV.93.Cy arivent Nostre Damme et les aultrez devers Jhesus. IV.94.Elle chiét à terre. IV.95.Nota de avertir Simon de passer aupres de Jhesus. IV.96.Il va vers Simon. IV.97.Ilz le mainent à Cayphe. IV.98.Lors ilz dessargente Jhesus de la croix. IV.99.Lors on luy charge la croix Jhesus sus ses epaules. IV.100.Lors il ambulent pres du Mont. IV.101.Nota de faire apporter du vin en une canne de fust et une tasse pour boire. IV.102.Fait à noter de avoir une prison au Mont de Calvaire où on boute les deux Larons tant que Jhesus est crucifié. IV.103.Quand il dit : « A plaine gheulle sent l’arain », il doit verser une tasse de bon vin, et, apres sa clause finée, il donne Jhesus à boire et boit. IV.104.Ilz le devestent. IV.105.Elles s’en vont. IV.106.Il prend le robe de Jhesus. IV.107.Lors ilz font samblant de le desvetir tout nud et le couchent par terre. IV.108.Lors il doit faire samblant d’escripre le tablet, lequel doit estre preparé et puis, sans mot dire, il s’en yra à la croix. IV.109.Lors Nostre Dame passe tout oultre et s’en va faire samblant de chaindre ung coeuvre-chief à Jhesus, mais il y a ung preparé. IV.110.Soit cy adverti Dentart de prendre les claux et les tenir tant que Griffon parlera à lui. IV.111.Lors ellez s’en vont touttez arriere. IV.112.Icy ilz coucent Jhesus tout plat sus le croix. IV.113.En le metant pres du nés Griffon. IV.114.Il frappe. IV.115.Il lye deux cordes à ses mains. IV.116.Lors ilz prendent des cordes. IV.117.Lors ilz tirent, Dragon, Roullart, Dentart et Brayart. IV.118.Petite pause. IV.119.Ilz luy estendent les piedz. IV.120.Ilz clouent les piedz. IV.121.Lors il met le taublet sus la Croix, quand on le lieve. IV.122.Lors on le lievez. IV.123.Ilz s’en vont à Pilate. IV.124.Ilz s’en retournent. IV.125.Ilz les tire hors de prison. IV.126.Soit cy adverti Sathan de soy trouver par le Hourt pour parler apres l’Humain Linaige. IV.127.Ilz pendent les Larons. IV.128.Note que, en ce pas, les Larons doibvent estre pendus. IV.129.Il emporte une robe. IV.130.Il prend. IV.131.Il prend. IV.132.Il prend. IV.133.Il prend. IV.134.Il prend. IV.135.Il prend. IV.136.Advertir Dentart de avoir troix dez. IV.137.Dentart gette de la main esclencque. IV.138.Il gette. IV.139.Il gette. IV.140.Il gette. IV.141.Il parle à Jhesus. IV.142.Il va querir le boisson. IV.143.Lors il met une esponge au boult d’une lanche et le joint contre la bouche de Jhesus. IV.144.Lors Jhesus tire la bouche ariere. IV.145.Lors encline sa teste sus le costé destre. IV.146.Nota que cy se doit faire grant tramblement de terre et le voile du Temple se doit rompre, les pierres fendre, et les mors resusciter et aller dechà et delà sans parler ; et sansblablement fault apprendre au personnaige de Nostre Dame que, tout incontinent et soudain apres la mort de Jhesus, elle die ce qui s’enssuit. IV.147.Elle chiét. IV.148.Il se dispose à le lever. IV.149.Ilz le relievent et le consolent. IV.150.Il le maine a Jhesus. IV.151.Il met se lanche contre le costé Jhesus. IV.152.Il fiert. IV.153.Lors le sang doit issir d’affluence du costé de Jhesus. IV.154.Quant il dit : « Se seran que j’ay cy esté », lors il frotte ses yeulx et puis dit : IV.155.Nota que cy se doivent preparer les angles à la Divinité et les maes pour eulx consoler et resjoïr en grande lumiere, quant on leur fera signe cy apres, car la Divinité se doit cy apparoir et les portes d’Enfer trebuchier. IV.156.Nota de faire aller les Chantres au Limbe. IV.157.Nota que en ce pas icy il doit avoir, au Limbe des Peres, grande clarté et melodie, et doibvent les portes d’Enffer trebuchier et la Divinité, qui est comme une ame en ung pavillon de vollette, doit là apparoir, et les deux Angles encenssans devant elle. IV.158.Lors ilz wident le Limbe, et s’en vont que on ne les void plus. IV.159.Nota de faire descendre de Paradis Micaël pour emporter l’Ame du bon Laron. IV.160.Lors il s’en va autour des Larons. IV.161.Et sanblablement Micaël y doit estre. IV.162.Lors Micaël prend l’ame de Dismas, et Sathan prend l’ame de Gestas. IV.163.Orillart monte à l’esquelle à Dismas. IV.164.Griffon monte à l’esquelle à Gestas. IV.165.A Gestas. IV.166.Nota que icy eulx deux doivent despendre chascun Laron, voire plus de deux, se mestier est, et y poevent bien aidier tous les Bouriaux ; et puis ilz les bouttent en ung secret, sans riens dire ; et tandis, Josep parle. IV.167.Soit ycy adverti Nicodesme de soy partir de son Lieu, et s’en vient rencontrer Joseph quand il sortira de son siege. IV.168.Il s’en va. IV.169.Il l’acole. IV.170.Nota que Joseph doit avoir à se coroye unez pinches et Nicodesme ung martiel. IV.171.Nota de preparer icy quattre eschielles touttez noefves, pour servir à deschendre Jhesus, car le Carpentier et aultrez y poevent bien aidier sans parler. IV.172.Ilz les liesvent. IV.173.Joseph arrace la clau de la main destre. IV.174.Ilz montent au lés senestre. IV.175.Il fait samblant le tirer aux espinches. IV.176.Joseph tire le clau et dit : IV.177.Et puis il le monstre. IV.178.Il fait samblant de le tirer. IV.179.Lors ilz le descendent et poevent bien prendre ayde. IV.180.Soit cy Gabriel de soy tenir avecq Marie, tant que on lui dira qu’il s’en voit. IV.181.Lors Marie s’assiet à terre et on met Jhesus sus ses genous. IV.182.Ilz l’ensevelissent. IV.183.Lors le mettre au monument et fait samblant de jetter les licquers hors de leurs fiolles et boistes. IV.184.Soit adverti Barraquin de venir au devant de Ca¨phe. IV.185.Lors Nostre Damme, saint Jan et les Maries s’en vont en leur Lieu. IV.186.Soit cy adverti Pilate de soy appuiier sur le coing d’un banc, comme pensif. IV.187.Parlant ariere à par ly. IV.188.Lors s’en vont. IV.189.Ilz vienent parler aux gens de Centurion. IV.190.Ilz vont au sarcus. IV.191.Ilz rostent la piere et regardent qui est dedens. IV.192.Lors tous regardent dedens. IV.193.Ilz remettent le piere. IV.194.Lors Caïphe y atacque ung grant seau de chire rouge. IV.195.Cy met son seau. IV.196.Il met le sien. IV.197.Il met le sien. IV.198.Y met le sien. Apres-midi du 4ème jour. IV.199.Ilz vont devers Joseph. IV.200.Lors le mainent devers Caÿphe IV.201.Ilz le presente[nt] à Caÿphe. IV.202.Nota d’ycy advertir ung paintre de aller en paradis pour poindre rouge la face de Raphael. IV.203.Lors ilz le bout[t]ent dedens le Prison sans plus rien di€re IV.204.Lors ilz s’en vont au Sepulcre et, apres que Jhesus sera resuscité, ilz se mettentl’un au piet dudit, l’autre aux pieds, et devera Rap[h]aël avoir la face toute rouge de painture que ung luy fera… IV.205.Lors se doi(b)t faire en En(f)fer une grande tempeste et la terre doit trambler. IV.206.Nota que cy Maria Salomé, Maria Jacobi et Magdalaine se doi[v]ent sans mot dire departir de avecq Nostre Damme et s’en aller par le Hourt atout des boistes en leur[s] mains, comme se ellez les veniste[nt] d’acheter, affin que Nostre Dame soit toute seul(l)e quant Jhesus s’ap[p]arra à elle pour la premiere apparition. IV.207.Il chiet à terre. IV.208.Lors tous les dessudits Chevaliers ch[i]euent à terre et se font samblant de dormir, et les deux Angles ostent la piere, et Jhesus resuscite et met hors du Sepulcre la dextre gambe premierement ; et doit issir avoec[q] luy une grande relucence et fumée d’encens et de lumiere, et puis il se doit ap[p]rochier de Marie. IV.209.Nota de faire envannuir Jhesus au trau ou secret de la Croix cy apres. IV.210.Lors il s’envanuit et s’en va mettre en forme de gardinier pour se magnifester à Magdelaine ; IV.211.Lors elle se met à son ordinaire et soit dit à Gabriel qu’il s’en revoist secretement en Paradis. IV.212.Enmy le Hourt. IV.213.Enmy le hourt. IV.214.Enmy le hourt. IV.215.Elles entrent et regardent dedens. IV.216.En levant le Suaire hault. IV.217.Lors se mettent à voye pour aller en Jherusalem aux Ap[p]ostles qui sont ensambles. IV.218.Il y regarde. IV.219.Soit cy advertie Magdelaine et les Maries d’approchier les Appostles. IV.220.Ilz s’en vont aux Pharisiens. IV.221.Icy s’en vont saint Pier[r]e et saint Jan au monument, et vient saint Jam premier ; et doibvent faire samblant de cour[r]ir saint Piere et saint Jan, et dit Magdelaine. IV.222.Icy s’en va Magdelaine au Sepulcre devant les aultrez Maries. IV.223.Elles s’en vont bellement. IV.224.Lors il regarde dedens sans y entrer. IV.225.Il entre et regarde partout. IV.226.Icy saint Jan entre dedens, et puis dit. IV.227.Icy saint Jan s’en va aux Appostles, et saint Pierre demeure derriere. IV.228.Ycy vient Jhesus par deriere en forme d’un jardinier. IV.230.Nota de faire esvanuir Jhesus au secret dele Prison saint Jan. IV.231.Elle s’encline, cuidant baisier ses piedz. IV.232.Il s’esvanuyt. IV.233.Les Maries s’approchent de la Magdalaine. IV.234.Soit cy adverti Jhesus rencontrer les Maries. IV.235.Icy se doit esvanuir Jhesus au secret du deluge ou aultre ad ce servant. IV.236.Icy se doit esvanuir soudain. IV.237.Ycy doit estre saint Piere arriere dele compaignie des Appostles. IV.238.Soit cy advertie Magdalaine de approchier les Appostles. IV.239.Icy se doit magniffester Jhesus à Saint Pierre. IV.240.Icy se part Jhesus soudain. IV.241.Soient cy advertis les Chevaliers d’aprochier les Pharisiiens pour parler quant on leur dira. IV.242.Icy Jhesus entre en la Prison par le secret, et en maine Joseph hors, sans rompre le Prison. Puis dit : IV.243.Pose. IV.244.Il le maine au Sepulcre. IV.245.Il œuvre luis et regarde dedens. IV.246.Ilz entre ens. IV.247.Lors les Chevaliers se doibvent rethirer et les aultrez se conseillent. IV.248.Ilz lievent les mains. IV.249.March Anthone les rechoipt. IV.250.Ilz y vont. IV.251.Ilz ambulent. IV.252.Ilz s’en vont. IV.253.Advertir Jhesus de se mettre en forme de pellerin pour comparoir aux Pelerins d’Emmaulx. IV.254.Icy Jhesus appert et se boutte entre eulx deux. IV.255.Memoire de faire venir l’oste de Esmaux sur le mont de la Transfiguration. IV.256.Il fait semblant de s’en aller. IV.257.Icy Jhesus prend ung pain parti d’un coutiel, et fait le signe dele croix, et puis il le distribue en disant : IV.258.Il se esvanuyt. IV.259.Il se doit partir sans parler et doit aller hors de la compagnie, et doit cy venir St Pierre, St Jan et St Jacques Alphei. IV.260.Advertir Jhesus de aparoir aux Appostles. IV.261.Lors Cleophas et Lucas s’en vont. IV.262.Il aporte du miel et du poisson. IV.263.Il mengue. IV.264.Il se esvanuit. IV.265.Soit cy Saint Thommas adverti de approchier. IV.266.Icy Saint Thommas arrive avec les Appostles. IV.267.Icy Jhesus s’approche. IV.268.Et quant il dit la ligne : « Dont il eult moult de sang osté », il boutte son doit en la plaie, et puis regarde ses pies et ses mains. IV.269.Soit cy adverti Jhesus aller sur la mer. IV.270.Saint Pierre, Saint Jan, Saint Jacques le grand, Saint Barthelemy, Saint Jacques le peti, Saint Thommas et Saint Andrieu ; tous sept vont peschier et les aultrez demoront en oroison. IV.271.En allant à la mer. IV.272.Ilz entrent tous, puis il dit : IV.273.Lors Saint Piere maine le nef. IV.274.Lors preparent leurs saines et leurs roitz, puis Saint Jan dit apres qu’il ara getté en la mer : IV.275.Ilz font smblant de thirer. IV.276.Lors ilz gettent les roitz à dextre. IV.277.Saint Mahieu avec les aultrez demorés en leur oratoire. IV.278.Nota icy de preparer du fu de carbon et ung greil sur le bort de la Mer. IV.279.Ilz thirent. IV.280.Soit cy adverti Joseph le juste et Mathias de venir avec les Apostles, qui se doivent tous trouver au pas de l’Ascention Nostre Dame ; aussi saint Mahieu, saint Simon et les aultrez Appostles tous advertis de eulx trouver audit lieu. IV.281.Icy Jhesus se esvanuit. IV.282.Lors ilz s’asamblent pour aller à l’Ascencion. IV.283.Lors ils vont tous au lieu de l’Ascencion, puis saint Jan dit : IV.284.Soit cy adverti le secret pour faire eslever Jhesus. IV.285.Nota que cy Jhesus doit monter, et, s’il est possible, aulcuns angles doient monter avec luy, et les Patriarches ne se doivent faire veoir ; et font samblant les assistens de tousjours regarder en hault. IV.286.Il s’esvanuyt. IV.287.Nota que Jhesus doit prononchier ceste clause droit devant son Père. IV.288.Il se assiet à la dextre de Dieu. IV.289.Icy se poeult faire ung motet qui voeult en Paradis. IV.290.Il vient à Lucifer. IV.291.Lors ilz se mettent à genoulx, et Nathanaël doit cy estre en lieu de Joseph Barsabas, mais celui qui sera St Mathias doibt estre en habit seculier jusques apres la election ; et lors il ara ung mantiel comme les aultrez. IV.292.Quant il a dit la ligne : « Avec ton Père en Paradis », ilz se doibvent lever ; et puis pardit : IV.293.Lors Joseph le juste et Mathias tirent les boulles et puis on les œuvre, et celui de Mathias porte le marcque ou l’ensaigne. IV.294.Lors il se veste d’un manthiau comme les aultrez. IV.295.Lors se doit faire ung grant son de tonnoire, et se doit descendre le saint Esprit en forme de fu et de langues. IV.296.Ung motet. IV.297.En la fin de ce prologue final, doit estre chanté : « Te Deum Laudamus ».